مطلق _ خلف _ مطلق

قصيدة للشـاعر / مطلق النومسي إسناد للشاعر / خلف المشعان

سـلام القلـب مـن مطلـق يخصـّك يا ولد مشعــان = سـلامِِ مـن ذهـب ومـن الذهـب رصـّـيـت كلمـاتـه
سلامِِ ... مثـل هبـّـات الصبـا في روضـة الريحـان = يقبــّل راسـك الشـامـخ بريحانـه وهبـّـاته
سـلامِِ ... مثـل وصــف المرجلـة في عـزوة الويـلان = ربـا في ظـل وايـل... وإكتست بالمجـد جمهـاتـه
سـلامِِ ... جيـت أقـدّم بـه نيابة عـن ضنا سليمان = رجـال المجـد والتاريخ والعـز وعـلامـاته
سـلامِِ . في سـلامِِ .. في سلامِِ .. والسـلام ألـوان = وبعـد مبدى السـلام . أبـدا معـك هـرجـي وحاجاتـه
سمعـت إنـك يا إبن عمـّـي مـن أهـل الناقصـة زعـلان = خفافيـش الظـلام اللـي على وده على هاته
قليلين الاصـل .. قـاع الخطـا .. ركايب الشيطـان = مزابين الردى .. وإسم الردى .. وأصله ومعناته
خبيثيـن المبـادي .. ..فـاقديـن الطهـر والإيمـان = عليـهم كوكـب الشيطـان .. يستـوعـب مـداراتـه
معقــّدة الشـوش ... بـؤرة فسـاد لمجمــع الإنسـان = بسيـرتهـم كتـاب الذل يستكمـل حكاياته
ومفردهم.. بشكل إنسـان ..لكـن يعتبـر حيـوان = لو الحيوان اكرم مـنه في طبعــه وعاداته
ولا معهم مجال مقــارنة بالمستـوى يا فــلان = على الساس وعلى الشعر وعلى الإسم ودلالاتــه
إذاها ... بالنسب .. فأنـت الشريف معـرّب الجدان = سلايل مـن لهــامتهــم حنــا التاريخ هـاماتـه
أهـل حكـم وسيــادة ..مـن زمـان .... إلى زمـان الآن = بحـد السـيف ماهـو حكـم مدفــوعـه رشاواتـــه
وإذاها بالشعـر ... فأنـته تصنّف سيــّد القيفــان = وكم واحد تمنّى مع بيــوتك تقـرن أبيـاته
سلس .. مبدع ... محنـّـك .. كـارثـة في ساحـة الميدان = وألا يا طيب ما تكتب وألا يا طيب غـاياتــه
وإذاها بالإسم .. إسمك خلف يعنــى خلف سلفان = تغنّوا بالقصيد وفي تفاعيله ووقفاته
إسـم يكتـب على وجه الذهـب بالمـاس والمرجـان = إسـم يكسـب سـمّـوه مـن سمـّو قلبـك ونيــّاته
لذا إرفع براااسك وإنتصب يا حضرة السلطان = وخـل العبـد جالس بين عمانه وعماته
وهذا خاتمة هرج إبن عمّك يا خلف مشعـــان = تقبّل هرجته امشــورته وأجزل تحياته

وهذا رد الشاعر / خلف المشعـان

هلا بهذا السلام .. ومرحبابك .... يارفيع الشان= قريت وقلت ماوالله اخيب .. طيب هقواته
حضرت وجيت لعيونك ... وانا ياصاحبي ... طفشان = عليم الله لو غيرك .. فلاناظرت فابياته
انا ياصاحبي ماني على اهل المنتدى... شرهــان = لحيث اني ..اعرف اني . من اهـل المنتدى . ذاتـــه
ابد .. محدٍ على اخطى .. اناياصاحبي غلــــطان = لا ني ماعرفت ابعد عن النــت ... و مغثـــاته
انا اللي جبتها لنفسي .. وفتحت لهرجهم بيبان = انا اللي معترف .. هذا خطا حرفي وفــزاته
كتبت من القصيد اللي يخلي الورعنه... شيبــــان = ولا حدٍٍ قال يازينه .. سوى من ذاق لتسعاته
ويوم اخطيت .. هالمره .. دعوني عاصي الرحمـــن = وكلٍ قال ذا كافر .. من اللي يسوي سواته
أبو جد القصيد اللي يعرفونه .. عوج دخان = يدور غلطة الشاطر .. ولاقد شاف غلطاته
يحسبون الشـِِـعر .. بابخص سعر .. ينباع بالدكـــان = وهم ماجربو مشي الظلام .. وفي متاهاته
دخيل الله يامطلق .. تراني ماني بخســـــــــران =انا اللي كاسبٍ راحة دماغي .. عن صداعاته
اببعد وانت تكفيهم .. واعرفك فارس الفرســــــان = ابيه يرجهم.. حرفك بصولاته ..... وجولاتـــه
وانا كافي على اقرا قصيدك وانطرب يافــــــــلان = والا من قلت يبناخي .. يجيك ابشر بفزعاته

وهذا مجارات للشاعر / مطلق أبو ظهيـر الدهمشي

وسمت القلب يامطلق وسمته باجمل القيفان = حكيت اللي بخواطرنا شمالي جاب فزعاته
تهانينا بني وايل مادام النومسي طنيان= يصب من الغضب جامه على من زاد غلطاته
وانا احمد من بسط سبع ورفع سبعٍ بلا عمدان= سميي لاكفخ هابت حباري الروض هداته
بتوعٍ صيرمي يقطع سبوقه لانحبس زعلان = ولا ضايف و لا هزت خفوقه كبر صيداته
اشوفه كنّه الوافي يزلزل ساحة الميدان = على حمر الثنادي مايثنيها بضرباته
الى منّه غرز فيها المخالب مارجع خسران = عطيب في مضاريبه بعيد بكل هقواته
وانا وياك يالحر ويمينك لا غشا دخان= لاجل خاطر خلف مشعان جيتك يامسرّاته
واذا هي نخوة جدودٍ تعزوى بالنسب ويلان= لك الله ماتهاونت بكلامي دوك جزلاته
واذا هي نخوة المؤمن ودين الله لك البرهان= نقدي تايه الفكره يحدد وين وجهاته
ولا تمت ولا تمت إلين يقول ابن مشعان = كفيت ولو تبي جزل القوافي هاك ماساته
كلامٍ ماتصنعته ولا ني بمرغمٍ يافلان = غلاكم مالكٍ قلبي يزيد اليوم نشواته